Një mjet lundrues skaf është perfshirë nga flaket, në afërsi të portit të Shëngjinit.
Ngjarja ka ndodhur pak minuta më parë, ku raportohet se flakëve i ka shpëtuar mrekullisht drejtuesi i skafit, ndërsa ende nuk dihen shkaqet e këtij zjarri.
Policia ka shkuar menjëherë ë vendngjarje për të zbardhur detajet mbi këtë rast.
Njoftimi i policisë
Rreth orës 12:15, Policia Kufitare ka marrë njoftim se në afërsi të molës së peshkimit, ishte përfshirë nga flakët, një mjet lundrues skaf.
Menjëherë, në vendin e ngjarjes kanë shkuar shërbimet e Policisë Kufitare, me një mjet lundrues, shërbimet e Policisë vendore dhe shërbimet zjarrfikëse.
Pas ndërhyrjes së shërbimeve të Policisë Kufitare, u bë e mundur tërheqja e mjetit lundrues dhe shmangia e djegies së mjeteve të tjera pranë, duke sjellë mjetin në afërsi të bregut, si dhe fikja e zjarrit në këtë mjet.
Si pasojë e flakëve janë shkaktuar vetëm dëme materiale në mjetin lundrues skaf. Nuk ka asnjë person të dëmtuar.
Paraprakisht dyshohet se shkaku i rënies së zjarrit ka qenë një defekt në motor, i shfaqur në momentin kur përdoruesi ka ndezur mjetin lundrues.
Grupi hetimor po punon për përcaktimin e shkakut të rënies së zjarrit.
Discussion about this post