Një automjet ka dalë nga rruga në aksin rrugor Pogradec-Korçë, në afërsi të fshatit Rrëmenj. Si pasojë e aksidentit kanë mbetur të plagosur drejtuesi i mjetit dhe pasagjeri.
Policia bëri të ditur se shtetasi A. L., 20 vjeç, banues në fshatin Vërdovë, Pogradec, duke drejtuar automjetin tip “Audi”, dyshohet se ka humbur kontrollin dhe automjeti ka dalë nga rruga. Si pasojë e aksidentit ka mbetur i plafgosur shoferi 20-vjeçar, si dhe shtetasi A. M., 23 vjeç, banues në Vlorë, pasagjer në automjet.
Dy të plagosurit janë transportuar me urgjencë për mjekim në spitalin e Pogradecit. Grupi hetimor po punon për përcaktimin e shkaqeve të aksidentit.
Discussion about this post