I zhdukur prej dy ditësh, gjendet i pajetë 75-vjeçari/ Dyshimet

Një 75 vjeçar raportohet se është mbytur në ujrat e lumit Devoll. Viktima banonte në Gramsh, ndërsa është gjetur i pajetë në shtratin e lumit Devoll.

Djali i tij, 43-vjeçari me inicialet L.Z, dy ditë më parë, ka kallëzuar në polici se 75-vjeçari është larguar dhe nuk është kthyer më në banesë.

Njoftimi i Policisë: Gramsh/ Informacion paraprak

Më datë 19.07.2023, në fshatin Pishaj, në shtratin e lumit Devoll, është gjetur i pa jetë, shtetasi Q. Z., 75 vjeç, banues në Gramsh, i cili dyshohet se është mbytyr në lumë.
Nga kqyrja paraprake e trupit të 75-vjeçarit, nuk janë konstatuar shenja dhune.

Për këtë shtetas, më datë 17.07.2023, ka bërë kallëzim në Polici, djali i tij shtetasi L. Z., 43 vjeç, ku ka deklaruar se është larguar nga banesa babi i tij dhe nuk është kthyer më.
Grupi hetimor po punon për dokumentimin e plotë të rrethanave të ngjarjes.