Dukagjini ka arritur të kualifikohet në turin e dytë të Ligës së Konferencës. Skuadra e Dallkut ka triumfuar në transfertë përballë Europa FC me rezultatin 3-2.
Sfida u zhbllokua pikërisht nga “dardanët” në minutën e 23’ nga Zulfiji i cili nuk gaboi nga pika e bardhë e penalltisë.
Në të 38’ Kintana riktheu baraspeshën po nga pika e bardhë e penalltisë. Pjesa e parë u mbyll në barazimin 1-1.
Ndërsa pjesa e dytë nisi me golin e Shalës. Në të 79’ Zulfiji shënoi edhe të tretin për Dukagjinin.
Teksa dukej që sfida do të mbyllej kështu, vendasit shënuan golin e tyre të dytë me Antonio Vera.
Kështu Dukagjini kualifikohet në turin tjetër me rezultatin e përgjithshëm 5-3.
Discussion about this post