Zgjedhje në Rrogozhinë, mbërrijnë në KZAZ kutitë dhe fletët e votimit

Rrogozhina po përgatitet për përsëritjen e zgjedhjeve lokale, të cilat do të zhvillohen ditën e dielë.

Kamionët e ushtrisë të shoqëruar nga forcat e policisë, kanë sjellë materialet në KZAZ-në e vetme të bashkisë që mbledh 54 qendra votimi.

Totalit të 55 qendrave i është hequr ajo e burgut, në të cilin nuk do të ripërsëriten zgjedhjet.

Kujtojmë se në zgjedhjet lokale të 14 majit, në bashkinë Rrogozhinë triumfoi socialisti Edison Memolla me 21 vota diferencë nga kandidati i koalicionit ‘Bashkë Fitojmë’, Shkëlqim Hoxha.

Rezultati në këtë bashki u kontestua nga koalicioni “Bashkë fitojmë”, pasi sipas tyre pati shkelje gjatë procesit të numërimit, ndërsa diferencën mes dy kandidatëve e bëri kutia e burgut, e cila sipas tyre nuk duhej të numërohej.