Lulzim Basha i është përgjigjur Sali Berishës, i cili sot sërish e akuzoi si peng të Edi Ramës, pasi ky i fundit i pret fletën e arrestit kur të dojë.
Në një reagim në rrjetet sociale, Basha shkruan se Berisha kërkon me çdo kusht e mjet të mbajë peng PD për interesat e veta personale.
“Koha është ilaçi më i mirë. Dhe koha e rrëzoi malin e gënjeshtrave që ngriti para shqiptarëve ai që kërkon me çdo kusht e mjet të mbajë peng PD për interesat e veta personale”, shkruan ish kreu i PD, i cili synon sërish të marrë drejtimin e partisë.
Që t’i japim fund baltosjes, që të tregojmë kush është i korruptuar e kush jo, kush është peng e kush jo, kush është i lidhur me krimin e kush jo, le të votojmë vetingun për politikanët. Të nisë transparenca nga unë e më pas të gjithë këta që sot e 32 vite mbajnë peng Shqipërinë”, reagon Basha.
Çfarë deklaroi Berisha?
“Kurse me pengun e Edi Ramës vetëm kur të pranoj Edi Ramën në koalicion apo në bashkëpunim mund të pranoj pengun e tij.
Lul Basha është në një mision si peng i vërtetë si një njeri që Rama kur të dojë i pret fletën e arrestit me afat burgimi minimumi 6 vjecar. Nuk mund të ketë. Është shndërruar në një vegël të verbër të Edi Ramës”.
Discussion about this post