Nënkryetari i Këshillit Bashkiak të Tiranës, Dorian Teliti ka denoncuar një akt të paprecedent në mbledhjen e radhës, ku me forcën e kartonit, mazhoranca socialiste i limitoi fjalën këshilltarëve të opozitës.
Në postimin e tij në Facebook, Teliti theksoi një tjetër skandal, ku gjatë tre orëve debate dhe denoncime të opozitës ndaj mazhorancës socialiste në Bashkinë e Tiranës u transmetuan pa audio.
Postimi:
📌Të frikësuar nga fjala dhe denoncimet e këshilltarëve të opozites, dje në mbledhjen e Këshillit Bashkiak të Tiranës u konsumua akti i paprecedentë, ku drejtimi i bashkisë me dhunen e kartonit limitoi si fjalën e opozites në vetem 2 min për këshilltar, ashtu edhe në transmetimin skandaloz mediatik ku gjate tre orëve të mbledhjes të mbushur me debate e kërkesë llogarie nga ana jonë, ishin pa audio si pasojë e sjelljes arrogante dhe ligj shpërfillese të kartongritësve të komanduar të mazhorancës, dhe qytetarët e Tiranes e kishin të pamundur të ndiqnin të zgjedhurit e tyre që denonconin aferat e bashkisë dhe që të diskutonin vizionin tre-vjeçar të projektbuxhetit afatmesem 2024-2026.
🔹Në cilësinë e Nënkryetarit të Këshillit Bashkiak përfaqësues i opozitës, i bëj thirrje autoriteteve drejtuese të Bashkisë të respektojnë ligjin dhe rregulloren e brendshme të Këshillit dhe të sigurojnë transparencën mediatike të mbledhjeve, si të Keshillit Bashkiak ashtu edhe të çdo komisioni të përhershëm të tij.
🟢Qytetarët e Tiranës kanë të drejtën ligjore të ndjekin dhe dëgjojnë përfaqësuesit e tyre vendore, dhe këtë të drejtë nuk e cënon dot askush, as Veliaj dhe as zevendës top-et e tij.
🔹Ne keshilltarët e opozitës, me të vërtetë nuk kemi forcën e kartonit në Këshillin e Tiranës, por zërin dhe forcën e tij do ta ngrejmë sado herë cënohen të drejtat e qytetarëve dhe konstatohen shkelje të qëllimshme të ligjit.
Discussion about this post