Qytetarët e Rrogozhinës do t’i drejtohen sot kutive të votimit për të zgjedhur kreun e Bashkisë.
Rreth 33 mijë qytetarë të Rrogozhinës janë thirrur sërish në votime. Pas shpalljes së pavlefshme të zgjedhjeve të 14 majit, 2 kandidatët Edison Memolla i PS e Shkëlqim Hoxha i koalicionit “Bashkë Fitojmë” kanë një shans të dytë për t’u besuar nga qytetarët në krye të bashkisë.
Janë 54 qendra votimi deri më tani, në të cilat, 32 mijë e 826 qytetarë do të drejtohen, nga ora 07:00-19:00 dhe ndryshe nga 14 maji, do të kenë vetëm një fletë votimi, atë për kryebashkiakun, ku po njëjtë si në zgjedhjet vendore, i pari në fletën e votimit do të jetë i renditur kandidati socialist Edison Memolla dhe numrin 2 do ta mbajë Shkëlqim Hoxha.
Kutia e burgut të Rrogozhinës u bë shkak për përsëritjen e zgjedhjeve në këtë bashki dhe nesër përtej kërkesës së PS-së, të burgosurit nuk do të votojnë.
Drejtoria Vendore e Policisë Durrës dhe në Komisariatin e Policisë Kavajë janë ngritur gjithashtu Grupet e Drejtimit për mbarëvajtjen e procesit zgjedhor si dhe menaxhimin e çdo lloj situate.
Sipas burimeve, procesi i votimit në Rrogozhinë ka nisur me probleme. Shkak janë bërë komisionerët, të cilët kanë shkuar me vonesë në ambientet e dy qendrave të votimit.
Discussion about this post