Zërat dhe informacionet për merkaton e transferimeve vazhdojnë të jenë fokus i të gjitha lajmeve të botës së futbollit, diçka që shtohet edhe më shumë kur lidhet me emrin e Real Madridit.
Florentino Pérez dhe José Ángel Sánchez vazhdojnë të jenë shumë të përqendruar në mbylljen e kapitullit të largimeve, si dhe në inkorporimin e Kylian Mbappé, i cili do t’i jepte skuadrës Merengue një hap të madh në cilësi.
Te klubi mbretëror kanë krijuar prej kohësh linjat strategjike për të rinovuar dhe përforcuar një ekip të madh/elitar, diçka që nuk është e lehtë, aq më tepër që duhet të kompensojë largimet e ndjeshme si Karim Benzema dhe Marco Asensio.
Ky planifikim ka qenë vendimtar në përfshirjen e Jude Bellingham, Brahim Díaz, Fran García, Joselu dhe Arda Güler këtë verë, ndërsa pritet të mësohet më shumë për të ardhmen e Mbappé.
Rasti i parizienit ka tërhequr gjithë vëmendjen e tifozëve madrilenë, por edhe të botës së futbollit, që është prej kohësh në dijeni për atë që ndodh në linjën ajrore mes Parisit dhe Madridit.
Megjithatë, ‘Transfermarkt’ nuk merr parasysh asgjë që ndodh me sulmuesin francez, diçka vërtet e vështirë për t’u shpjeguar.
Në pjesën e tyre të thashethemeve për Real Madridin nuk ka absolutisht asgjë të lidhur me Kylian Mbappé, kështu që ata nuk i japin as 1% të opsioneve për nënshkrimin.
Për më tepër, ky portal gjerman e sheh si më të mundshme që lojtarë si Vlahovic të mbërrijnë në Bernabéu para Mbappe. Mbetet të shihet se kush do ketë të drejtë në fund.
Discussion about this post