Që prej mesnatës po vijon numërimi i 54 kutive të votimit që do të zgjedhin kryetarin e bashkisë së Rrogozhinës. Rezultati i fundit i KQZ-së i përditësuar në orën 07:00 të mëngjesit tregon se kur janë numëruar 40 kuti nga 54, Edison Memolla kryeson bindshëm.
-Edison Memolla PS ka 4398 vota
-Shkelqim Hoxha BF ka 3552 vota
Siç shihet edhe në foto, Memolla duket i lumtur me rezultatin ndërsa Hoxha, i cili ndodhet pranë tij, s’duket aspak i kënaqur. Vlen të theksohet se një ditë më parë Hoxha u shpreh se në fund të procesit, sido që të jetë rezultati do t’i japë dorën kundërshtarit.
Votimi i së dielës u mbyll në orën 19:00 dhe pjesëmarrja ka qenë më e lartë se në zgjedhjet e 14 majit. Asnjë kuti nuk rezultoi e parregullt ndërsa procesi eci qetë.
Discussion about this post