Një nga lojtarët më të mirë për Ballkanin në takimin ndaj Larne-s, të vlefshëm për turin e dytë kualifikues të Conference League ishte edhe Nazmi Gripshi, me sulmuesin që u shpreh për shumë i lumtur për rikthimin e skuadrës te suksesi.
Duke folur për mediat në Kosovë, Gripshi u shprehi lumtur për fitoren:
“Ishim përgatitur për një ndeshje të vështirë, por jam i lumtur për fitoren dhe që u rikthyem të luanim lojën tonë të mirë.
Kundërshtari mendoi vetëm për mbrojtjen, por ne e kishim studiuar dhe e goditëm te pika e tyre më e dobët. Ata vuanin kur ne qarkullonim shpejtë topin dhe e zbatuam në fushën e lojës dhe besoj se kjo bëri diferencën.
Goli i dytë erdhi nga një aksion i rrjedhshëm pikërisht nga fakti se ne e kishim studiuar mirë ekipin e Larne-s. Pas shënimit të golit të tretë ra disi ritmi, por e rëndësishme ishte fitorja dhe natyrisht duhej edhe të mos shpenzonim shumë energji pasi javën e ardhshme do të luajmë përsëri.”, deklaroi Gripshi për “Supersport Kosova”.
Discussion about this post