(FOTO) Kush është shqiptari që u ekzekutua me 5 plumba në Greqi

Erald Jonuzi, është 37-vjeçari shqiptar, i ekzekutuar me 5 plumba në Greqi pak pas mesnatës së të mërkurës.

Ekzekutorët e 37-vjeçarit e prisnin sapo doli nga makina për të hyrë në pallat në rrugën Vizyinou.

Evosmos është tronditur nga prita e vdekjes e ngritur nga persona të panjohur në orët e para të së enjtes ndaj një 37-vjeçari shqiptar teksa po kthehej në pallatin ku banonte, në rrugën Vizyinou.

Ngjarja ndodhi 50 minuta pas mesnate të së mërkurës kur 37-vjeçari po shkonte vetëm në shtëpi. Pasi parkoi makinën u drejtua drejt hyrjes së pallatit pa e ditur se aty e prisnin ekzekutoret e tij.

Sipas informacioneve të fundit, vrasësit kanë qëlluar disa here. Policia ka gjetur katër gëzhoja dhe dy granata ne vend ngjarje.

Policia e cila ka shkuar në vendngjarje pasi ka lajmëruar një kalimtar për të shtënat, ka gjetur 37-vjeçarin të përgjakur në trotuar .

Menjëherë ka mbërritur autoambulanca e EKAV-it, e cila e ka transportuar shqiptarin në spitalin “AHEPA”  ku ka ndërruar jetë pak minuta më vonë.

Sipas informacioneve, 37-vjeçari ka marre  të paktën pesë plagë nga plumbat.

Burime policore të cituara nga thestival.gr ia atribuojnë ngjarjen një larje hesapesh mes grupeve të banditëve.

Hetimet për ngjarjen e të shtënave në Evosmos u morën nga Departamenti i Krimeve Kundër Jetës në Drejtorinë e Sigurimit të Selanikut.

Erald Jonuzi është personazh i njohur në Korçë, ku njihej me pseudonimin “Zezaku”. Ai ka pasur precedentë penalë në vitin 2009 për kalim te paligjshëm të kufirit dhe falsifikim.

Ai është thirrur si deshmitar lidhur me vrasjen e Pëllumb Collakut në vitin 2009, shokut të tij të fëmijerisë të ekzekutuar nga Mjallaq Pergjika.