Dinamo dhe Kastrioti u përballën në Elbasan Arena me të dyja skuadrat që motivin e vetëm kishin fitoren në këtë takim në tentativë për tu larguar nga zona e rrezikshme e renditjes.
Dinamo e nisi ‘vrullshëm’ që në minutat e pata duke rrezikuar portën krutane nga një goditje dënimi, por skema e trajnerit Shkëmbi kuptohet nga kundërshtarët dhe bllokohet gjithçka. Kastrioti do të shfaqej ‘i frikshëm’ nga ky moment duke tentuar me goditjet e Mëllungjas dhe Grecës ku aksioni i këtij të fundit mund të ndryshonte rrjedhën e takimit, por njoftohet nga kryesori i ndeshjes për pozicion jashtë loje, në pjesën e parë që u mbyll me shifrat 0-0.
Pjesa e dytë nisi e gjitha në kontroll të Dinamos, ku Ibrahimi do të kryente një krosim në zonë për Muhanën por duke humbur kontrollin dhe duke u rrëzuar. Dinamo pretendoi për penallti, por kryesori i ndeshjes kërkon vazhdimin e lojës.
Ibrahimi nuk do të ndalej, dhe këtë herë shënon një gol spektakolar nga një goditje dënimi, duke e çuar topin në rrjetën e Salit, duke i dërguar ‘blutë’ e kryeqytetit në avantazh, me golin që do të ishte vendimtar për fatin e takimit, që përfundoi me shifrat 1-0.
Në përfundim të këtij takimi, Dinamo merr tre pikë vërtet të vlefshme, që falë renditjes së ngjeshur në tabelë, kryeqytetasit katapultohen në vendin e pestë të Superligës Shqiptare me 13 pikë po aq sa edhe Teuta e një pozicioni më lartë.
Discussion about this post