Vijnë për festë, fluks automjetesh nga Kosova, dogana e Shqipërisë i vonon

Radhë të gjata automjetesh në doganën e Morinës, që shkojnë në Kosovë. Shqipëria nuk zbaton marrëveshjen e nënshkruar në mbledhjen e dy qeverive.

Fluksi i automjeteve ka vijuar gjatë gjithë ditës së sotme.

Sa i takon masave anticovid ato mbeten në fuqi, ku qytetarët duhet të paraqesin ose pasaportën e vaksinimit, testin negativ që të jetë kryer në 72 orët e fundit, ose dëshmi që e kanë kaluar Covid në 6 muajt e fundit. Këto masa vlejnë njësoj në të dyja anët e kufirit.

“Gjithçka ka qenë në rregull në doganë, do të shkojmë për pushime në Tiranë për festa”, tha një shqiptar i Kosovës që po udhëtonte drejt Shqipërisë.

Ditën e djeshme në Elbasan u zhvillua mbledhja e dy qeverive. Në fjalën e tij kryeministri i Shqipërisë, foli për marrëveshjet e nënshkruara duke nënvizuar lëvizjen e lirë në kufi, pa kontrolle fizike, por vetëm me kamera.