Kukësi ka arritur një fitore të rëndësishme në Superligën Shqiptare këtë fundjavë duke mposhtur Egnatian me rezultatin 2-0.
Kjo fitore i dha verilindorëve tre pikë të vlefshme që i pozicionojnë ata në vendin e dytë të renditjes, me vetëm një pikë pas Tiranës kryesuese me 21 pikë.
Në përfunim të këtij takimi, trajneri Longo ka thënë fjalën e tij për mediat duke u shprehur:
“Unë gjithmonë aktivizoj lojtarët më të mirët në fushë, gjithmonë vendos në lojë ata që janë gati. Është hera e parë për mua në Shqipëri, isha i sigurt që do e fitoja ndeshjen, nuk jam i sigurt nëse ishte fitorja më e bukur këtë sezon.
Goli i anuluar? Nuk do të gjykoj arbitrat, ai mund ta lejonte lojën dhe ta shihte me VAR, prandaj është VAR-i në funksion. Duhet ta vazhdonte lojën. Edhe në Kupë ne fituam 2-0, vetëm se këtu luajtëm futboll dhe vetëm futboll”, deklaroi trajneri italian.
Discussion about this post