Trajneri i Bayernit, Thomas Tuchel, është shprehur se Bayern ka humbur nuhatjen për të shënuar në portën e kundërshatrit pasi ekipit i mungon një sulmues i mirëfilltë.
Në ndeshjen kundër Manchester Cityt ekipi krijoi 10 raste në të cilat vetëm 4 përfunduan me goditje në portë dhe mungesa e një qendërsulmuesi të mirëfilltë ndjehet në kampin bavarez. Gjigantët gjermanë po ndjekin me interes situatën e sulmuesit Harry Kane, me anglezin i cili për momentin duket larg edhe pse ka vetëm edhe një vit të mbetur në kontratë.
Në miqësoren e luajtur përballë ekipit të Pep Guardiolës, ekipi krijoi mjaftueshëm por arriti të shënojë vetëm një herë.
Dhe trajneri ka shprehur hapur pakënaqësitë për repartin e avancuar.
“Nuk është më një lajm i ri që ne po kërkojmë për një numër 9, siç e shihni ne në çdo ndeshje përpiqemi të improvizojmë, por është shumë e vështirë, duhet një lojtar natyral për atë pozicion. Kundër Cityt krijuam shumë raste dhe më vjen inat që nuk e kemi lojtarin e duhur për t’i finalizuar rastet tona”.
Bayerni e nisi ndeshjen me treshen Gnabry, Koman, Sane të cilët ishin të pamjaftueshëm për të shënuar.
Goli erdhi vetëm në pjesën e dytë me talentin francez Mathyas Tel, i cili shfrytëzoi një top të kthyer pas pritjes së portierit Ederson.
Sezoni i ri është gati të nisë së shpejti dhe Bayerni duhet të gjejë shpejt një zgjidhje për sa i përket numrit 9, i cili i mungon që nga largimi i Robert Lewandowskit drejt Barcelonës, pozicion ky që i krijoi jo pak probleme klubit gjerman edhe sezonin e kaluar.
Discussion about this post