Ish-sekretari i Partisë Socialiste, Damian Gjiknuri është shkarkuar dhe përkohësisht në vend të tij si numri dy i PS është komanduar Blendi Klosi.
Në një dalje për mediat, gjatë momentit të kalimit të detyrës, Gjiknuri u pyet nëse ndihet i shitur nga kryetari Rama.
“Befasia për këtë lajm ka bërë bujë në rrjetet sociale. Unë e thashë që pas çdo procesi zgjedhor i nënshtrohemi një analize.
Pa mohuar rezultatet e mira, dhe unë me kontributin tim modest, për mua fundi i diçkaje është fillimi. Jeta më ka mësuar të shoh efektet që sillen. Duhet të shohim të mirat e vendimarrjes, unë jam mësuar me akuza, nuk është hera e parë që jam akuzuar, për shkak të personalitetit tim të fortë. Unë jam akuzuar gjithmonë, e keni parë atë të CEZ, unë bashkëpunova me drejtësinë dhe e vërteta doli.
Jam akuzuar, por ka vetëm 1 drejtësi që i gjykon dhe i vlerëson këto gjëra, jo thjesht opinioni publik.
Ligji dhe organet e drejtësisë do flasin.
Nuk ndjej braktisje, jam në komunikim me kryetarin e partisë prej 20 vitesh, marrëdhënie e qëndrueshme pune. E respektoj vendimmarrjen e tij dhe për mundësite që më ka dhënë në karrierën time. Sa më shumë fuqi administrative aq më shumë do sulmohesh.
Për hetimet, nuk më kanë thërritur. Roli i ministrit ka qenë periferik, por nuk do të thotë se ato vepra janë të gabuara, por janë në dobi të publikut. Ato vepra sot në Elbasan.
Discussion about this post