Pas barazimit pa gola me Al-Nassr, PSG ka hedhur një tjetër hap fals në fazën përgatitore, kësaj radhe duke u mundur nga skuadra japoneze Cerezo Osaka me rezultatin 2-3.
Sfida nisi mjaft mirë për kampionët e Francës të cilët gjetën golin në minutën e 17-të me Ekitike, por pas vetëm pesë minutash u vendos baraspesha nga Krouks.
Pjesa e dytë nisi me gol për të besuarit e Luis “Lucho” Enrikes, të cilët gjetën rrjetën me Vitinjën në minutën e 49-të.
Përmbysja më pas erdhi në harkun kohor të 12 minutave, me japonezët që gjetën dy herë rrjetën me Kitano dhe Kagaua në minutat 67’ dhe 79’.
Sfida e radhës për francezët do të jetë kundër Interit më 1 gusht në Tokio.
Discussion about this post