Një 25-vjeçar është proceduar në gjendje të lirë nga policia pasi ka prishur qetësinë publike, duke qarkulluar me automjet, me shpejtësi, në qendër të banuar. Policia njoftoi se ndaj 25-vjeçarit është vendosur masa administrative me vlerë 40.000 lekë, bazuar në kodin rrugor.
Automjeti u sekuestrua në cilësinë e provës materiale.
“Në lidhje me një ankesë të bërë mbrëmjen e djeshme nga qytetarët, ankesë e shoqëruar edhe me video, në të cilën shfaqet një automjet që qarkullonte me shpejtësi në bulevardin “Qemal Stafa”, ju informojmë se:
Shërbimet e Policisë Rrugore kanë bërë të mundur identifikimin dhe shoqërimin në Komisariatin e Policisë të automjetit sëbashku me drejtuesin shtetasin K. D.
Në vijim të veprimeve, Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë ndaj shtetasit K. D., 25 vjeç, banues në Elbasan, për veprën penale “Prishja e qetësisë publike”.
Gjithashtu, nga shërbimet e Qarkullimit Rrugor u vendos masa administrative me vlerë 40.000 lekë, bazuar në nenin 139 të Kodit Rrugor. Automjeti u sekuestrua në cilesinë e provës materiale”, njoftoi Policia.
Discussion about this post