Skuadra e Milanit ka pësuar humbjen e radhës në kampionatin Italian. Kuqezinjtë u mundën me rezultatin e thellë 3-1 nga Sassuolo në “San Siro” duke konfirmuar një ngërç psikologjik në sfidat e Serie A. Milani bëri një paraqitje krejtësisht të ndryshme nga ajo e Championsit teksa tashmë e sheh veten në vendin e dytë në kampionat me Napolin që ka mundësinë të shkëputet me tre pikë në krye.
Ishte Milani që kaloi në avantazh me Romanjolin në minutën e 21 të takimit. Gjithsesi gëzimi i vendasve nuk zgjati shumë pasi Scamaca riktheu ekuilibrat tre minuta më pas. Në minutën e 33 Kjaer shënoi autogol teksa fraksioni i parë përfundoi në avantazhin e Sassuolos.
Në pjesën e dytë miqtë realizuan edhe golin e sigurisë me Berdardin teksa Milan pëson kushte një tjetër humbje të thellë pas asaj me Fiorentinën. Në kampin e kuqezinjve kanë arsye të shqetësohen pas zero pikë nga gjashtë të mundshmet në dy javët e fundit është e patolerueshme për një skuadër që synon titullin.
Discussion about this post