Gjykata e Tiranës ka vendosur në sekuestro preventive kompaninë TIBO. Vendimi ka ardhur pas kërkesës së dy prokurorëve, Mirela Zavalani dhe Ndini Tavani.
Hetimi disa mujor i prokurorisë ka nxjerrë në pah një skemë mashtrimi me vlerë prej 2.2 mln euro, ndërsa deri në përfundim të hetimeve, Gjykata vendosi sekuestro preventive për Tibo.al, Tibo Shpk dhe Megaware, njoftonte Top Channel.
Kompania “TIBO” është përfshirë gjithashtu në një konflikt me Federatën Shqiptare të Futbollit, e cila vendosi të ndërpresë pas një viti kontratën 3-vjeçare për transmetimin në “Oversport” të Kategorisë Superiore, Kupës së Shqipërisë dhe Superkupës, me arsyetimin se ka patur shkelje dhe mospërmbushje të detyrimeve kontraktore në mënyrë të përsëritur nga shoqëria “Oversport”.
Ndërkohë shoqëria Tibo ka në një reagim të saj shprehet se kjo platformë nuk është vënë nën sekuestro nga Prokuroria e Tiranës.
“Në vijim të publikimit në kanalin televiziv “Top News”, ne Internet dhe ne platformat e tjera te lidhura me kompanine “Top Media” te lajmit te pavertet se shoqeria TIBO eshte nen hetim nga prokuroria per mashtrim dhe se eshte vendosur sekuestro preventive, kerkojme heqjen e menjehershme te tij dhe pergenjeshtrimin e ketij lajmi.
Lajmi eshte i pavertet dhe keqdashes.
Shpresojme qe te pergenjeshtrohet menjehere nga televizioni dhe platformat tuaja per mos te krijuar deme te metejshme ndaj kompanise tone. Departamenti ligjor prane kompanise tone do filloj te gjitha procedurat e nevojshme ligjore per vendosjen ne vend te demit te krijuar ndaj kompanise tone ne menyre te padrejte dhe me keqdashje ndaj individeve qe kane furnizuar ne mediat tuaja kete lajm.
Shpresojme shume ne mos vijimin e metejshem nga ana juaj me lajme te paverteta ndaj kompanis tone me qe kane si qellim konkurrencen e pandershme ne tregun ku kompanite tona operojne”, thuhet në reagimin e kompanisë.
Discussion about this post