Deputetit socialist Bujar Çela, i uroi kolegët e tij parlamentarë për festat e Nëntorit me foton e diktatorit Enver Hoxha, duke u kujtuar edhe njëherë dhimbjet qindra mijëra familjeve shqiptare gjatë regjimit të egër enverist.
Postimi i tij qarkulloi me shpejtësi në rrjet, ku u kritikua nga politikanë dhe qytetarë të thjeshtë. Por Çela nuk është mjaftuar vetëm me urimin, madje as nuk i ka bërë fare përshtypje mesazhi dashakeqës që përcolli me atë foto, por vijuar edhe më tej duke ofenduar kolegët e tij, të cilët reaguan menjëherë pas kësaj çmendurie të tij. Në komente ai iu përgjigjet atyre me një fjalor të papërshtatshëm. ‘Më rruani leshtë, kush nuk më njeh mua dhe kohën’, shkruan Çela, ndërsa kryeministri as nuk ka marr hapin t’i tërheq veshin deputetit të tij për sjelljen dhe deklaratat e papranueshme nga një deputet.
Discussion about this post