Kreu i Drejtorisë së Përgjithshme Rrugorë, Bledi Gonxhe, ka deklaruar ditën e sotme se policia ka nisur kontroll të rreptë në rrugë dhe nga tani e tutje të gjitha automjete me timon anglez që qarkullojnë në Shqipëri dhe që janë targuar pas vitit 2015, do të bllokohen. Gjithashtu, kontrollet do të përqendrohen edhe për xhamat e zinj si dhe për certifikimin e impianteve të gazit.
“Të gjitha mjetet që janë targuar pas 21 marsit 2015, me krah të djathtë pra anglez në kundërshtim me VKM përkatëse dhe me ligjin do të duhet të ndërrojnë pozicionin e tyre, nuk do marrin shërbim kolaudimi, nuk do të marrin shërbime të tjera, nuk do të kenë transaksione me mjetin e tyre, deri sat ë plotësojnë korrektësisht pozicionin karshi ligjit”, tha ai
Ndër të tjera, Gonxhe tha se të gjithë ata punonjës të cilët nëpërmjet ryshfetit kanë lejuar makinat me timon anglez do të përballen më drejtësinë, ndërkohë që disa prej tyre janë pushuar nga puna. Sipas tij, nuk do të bëhet me asnjë tolerim sepse herë makina me krah të djathtë janë bërë shkak për aksidentet rrugore, ndërkohë që heqja e tyre nga qarkullimi pritet të ndikojë në parandalimin e ngjarjeve të rënda rrugore.
Discussion about this post