Nga Tepelena, atje ku për dy ditë mblodhi Qeverinë në një takim informal, Kryeministri Edi Rama ka sulmuar prokurorët lidhur me hetimin e rasteve të zjarrvënieve.
Ndërsa ka falënderuar Policinë e Shtetit për kapjen e autorëve, Rama tha se Prokurorët kanë shpallur në mënyrë edhe më kriminale se ata që kanë djegur, pushime çështjesh apo mosfillime hetimesh.
“Për ata që djegin pyjet…Është mëritë e madhe e Policisë së Shtetit dhe i kam falënderuar publikisht,që kanë arrestuar disa nga autorët, për të cilët kodi parashikon burgosje të gjata.
Dua t’i bëj një thirrje prokurorëve që kanë shpallur në mënyrë edhe me kriminale se sa ata a që kanë djegur, pushime çështjesh dhe mosfillime hetime çështjesh, që mos të harrojnë fëmijët e tyre dhe stërgjyshërit e tyre, që i kanë mbjellë ato pemë kur marrin parasysh të japin vendime të tilla.
Këta duhet të shkojnë dhe të rrinë gjatë në burg, sepse nga një shkrepse, që vjen nga një kotësi kriminale dhe djegin pasuri të vendit dhe nuk dua që të ndodhi në Shqipëri, siç po ndodhin në disa vende rreth e rrotull. Për këtë arsye ne e kemi bërë ndryshimin në Kodin Penal”, tha Rama
Discussion about this post