Mediat shtojnë akoma më shumë dilemat përsa i përket të ardhmes së futbollistit francez Kylian Mbappe.
Teksa flitet për një afrim gati të sigurt të tij drejt Realit të Madridit, një gazetë e njohur spanjolle “ndryshon komplet skenarin”.
Për momentin, Real Madrid nuk është i interesuar të bëjë një ofertë për Kylian Mbappen, sipas asaj që raporton AS.
Los Blancos janë të befasuar nga thashethemet e pafundme që i lidhin ata me lojtarin kur është e qartë se ata nuk janë të përgatitur të bëjnë një ofertë për ta nënshkruar atë.
Bordi i Real Madridit qeshi me çmimin e raportuar të PSG-së prej 250 milionë eurosh për Mbappen, me një burim të afërt me hierarkinë e Madridit që pretendon se madrilenët nuk ka ndërmend të paguajë diku afër kësaj tarife.
Klubi spanjoll gjithashtu e kupton se do të kushtojë më shumë se 300 milionë euro nëse vendosin të transferojnë Mbappen këtë verë duke marrë parasysh tarifën e transferimit dhe pagën e tij.
Kështu, Real Madridi po priret të presë që lojtari të arrijë si lojtar i lirë në vitin 2024.
Carlo Ancelotti tashmë po punon për një formacion të ri që nuk ka nevojë domosdoshmërisht për një qendërsulmues.
Discussion about this post