Një 51-vjeçar, administrator i një firme private ndërtimi është vënë nën hetim, pasi në vendin e quajtur “Mali Plakthi”, ka hapur një rrugë pa lejen e organeve kompetente. Lidhur me ngjarjen bëhet fjalë për personin e identifikuar me inicialet S. Sh 51-vjeç i cili sipas policisë do të hetohet për veprën penale “Shpërdorim i tokës”.
“Specialistët për Hetimin e Krimeve të Komisariatit të Policisë Bulqizë, referuan materialet në Prokurori, për veprën penale “Shpërdorim i tokës”, dhe filloi procedimi penal në gjendje të lirë për shtetasin S.Sh., 51 vjeç, banues në Tiranë. Ky shtetas duke qenë administrator i një firme private, në vendin e quajtur “Mali Plakthi”, ka hapur një rrugë pa lejen e organeve kompetente. Në bashkëpunim me IMT, janë bllokuar dy automjete eskavator të kësaj firme që përdoreshin për hapjen e rrugës”, njofton policia.
Materialet procedurale i kaluan Prokurorisë Dibër, për veprime të mëtejshme.
Discussion about this post