Pas diplomates Yuri Kim, nga Tirana është larguar edhe zv.ambasadori Demian Smith. Ky I fundit shërbeu në Shqipëri për dy vite.
Duket se Shtetet e Bashkuara në shtator pritet të kenë një ekip krejt të ri diplomatik.
“Stafi i Ambasadës amerikane i dha lamtumirën këtë javë zëvendës shefit të Misionit/I Ngarkuari me Punë Demian Smith pas dy vitesh shërbimi në Shqipëri.
Ekipi i Ambasadës u mblodh për t’i uruar më të mirat Demian dhe familjes së tij ndërsa ai kthehet në Uashington DC për detyrën e tij të radhës.
Punonjësit falënderuan Demian për udhëheqjen e tij, mbrojtjen e fortë dhe dhembshurinë që ai tregoi ndaj të gjithëve në Ambasadën e SHBA-së në Tiranë.
Do të na mungojë ngrohtësia, qëndrimi pozitiv dhe mbi të gjitha kostumi i Yjeve dhe Vijave në 4 Korrik! Gjithë të mirat Zoti Smith”, thuhet në një postim të Ambasadës amerikane në Tiranë.
Discussion about this post