Gijotina.com ka siguruar pamjet e ndërtesës në Gjirokastër ku ditën e djeshme ndërroi jetë një e mitur 16-vjeçare pasi zjarri pushtoi shtëpinë ku jetonte. Nga pamjet, duket shtëpia e djegur ndërsa jashtë derës kryesore ndodhet makina e policisë.
Për shkak të motit të keq që ka përfshirë vendin, familja e Irakli Ndriços nuk kishte energji elektrike. Për këtë arsye ata kishin ndezur një qiri, i cili mendohet se ka shkaktuar edhe flakët në banesë. Pasi qiriri ka rënë në divan, mendohet se objekti ka marrë flakë, ndërsa e mitura, e cila dyshohet se vuante nga autizmi, shkoi menjëherë në tualet në mënyrë që të mbrohej nga flakët e zjarrit, ku dhe është asfiksuar.
Përveç të miturës, edhe kryefamiljari Irakli Ndriço ka mbetur gjithashtu i lënduar nga flakët, dhe të dy u dërguar në spital por e mitura nuk arriti t’i mbijetonte plagëve të marra.
Paraprakisht mendohet se zjarri në banesë është qiriri por ende versioni nuk është konfirmuar nga grupi hetimor, i cili po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
Discussion about this post