Prej ditës së djeshme varianti i ri i koronavirusit është shfaqur edhe në Britaninë e Madhe, për këtë arsye autoritete britanike kanë vendosur të përforcojnë rregullat për të gjithë ata që shkelin në territorin e tyre.
Mësohet se, rregullat e udhëtimit për në Mbretërinë e Bashkuar do të ndryshojnë duke filluar nga ora 04.00 e ditës së martë 30 nëntor. Në njoftim thuhet se, Të gjithë personat që hyjnë në Britani, përfshirë ata nga Shqipëria, edhe nëse janë të vaksinuar do të duhet të kryejnë një test PCR atë ditë ose përpara ditës së dytë dhe të izolohen derisa të marrin një rezultat negativ. Ndër të tjera, sqarohet se dita që ata hyjnë në Britani quhet dita zero dhe më pas fillon karantinimi. Më pas kryhet sërish një test dhe nëse rezultati i testit është negativ atëherë nuk keni nevojë të vetë izoloheni, nëse rezultati është pozitiv atëherë duhet të izoloheni për 10 ditë.
Discussion about this post