Tronditet Kruja, shpërthen tritoli që në orët e para të mëngjesit

Një sasi tritoli ka shpërthyer në aksin Fushë Krujë-Krujë, në afërsi të lagjes Zim Zenel rreth orës 02:00 të mëngjesit të sotëm.

Është e paqartë se cili ka qenë objektiv i sulmit, pasi sasia e lëndës plasëse ka shpërthyer në mes të rrugës.

Sipas burimeve nga vendi i ngjarjes, nga shpërthimi është hapur një gropë ne rrugë dhe janë thyer xhamat e vitrinat e disa banesave e bizneseve aty pranë.

Policia dhe grupi hetimor kanë qenë gjatës natës në vendin e ngjarjes dhe po punohet për zbardhjen e saj.

Në zonën ku ka ndodhur shpërthimi nuk ka kamera në rrugë, ndërsa mbeten për t’u vëzhguar kamerat e ndonjë biznesi në zonë, nëse mund të çojnë në zbardhjen e shpërthimit.

Njoftimi i Policisë

Krujë/Informacion paraprak

Më datë 03.08.2023, rreth orës 02:25, në rrugën “Zim Zeneli” (në asfalt) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e katër bizneseve përreth.

Grupi hetimor po punon për sqarimin e rrethanave të ngjarjes.