Ka përfunduar faza e grupeve në Botërorin e Femrave që po zhvillohet në Australi dhe Zelandën e Re. Sot janë luajtur ndeshjet e fundit të grupit H, që kanë përcaktuar edhe dy skuadrat e fundit që kualifikohen mes 16 më të mirave të turneut.
Gjermania barazon 1-1 përballë Koresë së Jugut, por kjo pikë nuk mjafton që të kualifikohet në turin tjetër.
Maroku fiton 1-0 përballë Kolumbisë dhe të dyja këto skuadra kualifikohen për në fazën e 1/8-ve të finales.
Është kompletuar tashmë e gjithë tabloja e ndeshjeve të fazës së 1/8-ve të finales. Zvicra do të ndeshet me Spanjën për një vend në çerekfinale, ndërsa Japonia do të sfidojë Norvegjinë.
Holandë-Afrikë e Jugut, Suedi-SHBA, Angli-Nigeri, Australi-Danimarkë, Kolumbi-Xhamajkë dhe Francë-Marok janë çiftet e tjera të 1/8-ve të finales.
Discussion about this post