Areta Çauli është nëna e dy fëmijëve e cila u denoncua si e humbur nga familjarët e saj prej një jave, por që rezultoi se ishte arratisur tek i dashuri i saj në Elbasan. Ngjarja e pazakontë u regjistrua në Durrës, ku gruaja 26-vjeçare inskenoi madje edhe rrëmbimin nga katër persona dhe mbylli më pas çdo komunikim me familjarët.
Çauli, e cila u denoncua e zhdukur në polici nga vëllai, ishte larguar nga shtëpia me pretekstin se do të shkonte në Pogradec për seancën e radhës gjyqësore që kishte në lidhje me procesin e divorcit me ish-burrin e saj, por nuk u kthye më pranë familjes.
E ftuar në News 24, ajo tregoi historinë e jetës së saj, ku tha se bashkëshorti i parë i ndërroi jetë dhe i dyti e dhunonte sistematikisht. Kjo u bë shkak sipas saj, që të kërkonte ndarjen prej tij. Mirëpo, prej tetë muajsh, ajo është njohur në rrjete sociale me një djalë.
Në këto komunikime, e reja nuk i ka treguar atij se ishte nënë e dy fëmijëve, e pikërisht kjo ishte dhe arsyeja e ndarjes së tyre. E reja thotë se familja e të dashurit e ka respektuar dhe dashur, ndërsa shtoi se i vjen keq që e gjitha përfundoi në këtë formë.
“Djalin e madh e kam nga një martesë tjetër, babai i tij nuk jeton. Shkova te familja ime, por te babai nuk qëndrohet. Kam qenë 20 vjeçe dhe i thash babait që unë do filloj jetën time dhe m’u propozua që të krijoja një familje. Më thanë që është djalë i mirë dhe do të mbajë mirë. Më pas vajti djali 6 vjeç filloi dhuna, ma rrihnin, ma linin pa bukë. Prindërit më thoshin të rrija një javë te ato e të merrja veten. Po ku të shkoja mbrapa, do kthehesha e do më dhunonte prapë, si mua e djalin. Unë i kërkova të ndahemi, por paraprakisht kërkova një ndërmjetësim. Tani jam drejt gjyqit për të kryer ndarjen. Kam afro 1 vit që jam ndarë prej tij. Personin që u largova nga shtëpia e njoha në Facebook. I dashuri im m’u duk shumë njeri i mirë, kam takuar dhe familjarët e tij. Kur mori vesh që kisha dy fëmijë, ai shkëputi çdo gjë. Megjithëse tani asgjë nuk ka më, mes meje dhe atij”, tha e reja.
Discussion about this post