Pamjet e marra nga teleskopi “James Webb” tregojnë fazat e fundit të jetës së një ylli, të ashtuquajturit “xhuxhi i bardhë, rreth 2600 vite dritë larg nga Toka.
Imazhet e publikuara nga një ekip ndërkombëtar astronomësh tregojnë një strukturë rrethore me një vrimë në mes, të quajtur Mjegullnaja e Unazës.
Një mjegullnajë është termi që përdoret për një yll që nxjerr materialin e tij në hapësirë në momentet e tij të vdekjes, kur prodhon unaza me ngjyra të gjalla, flluska që zgjerohen dhe shpërthejnë, si dhe re dhe pluhur. Siç raporton Guardian, një fat i ngjashëm e pret Diellin pas disa miliardë vjetësh.
Fotot e publikuara tregojnë jo vetëm strukturën e mjegullnajës, por edhe rajonin e brendshëm rreth yllit të saj qendror xhuxh të bardhë, një yll masivisht i dendur afërsisht sa një planet.
“Yjet si Dielli pritet t’i japin fund jetës së tyre në fazën e xhuxhit të bardhë duke hedhur zarfet e tyre të jashtme, të cilat më pas formojnë mjegullnajë të bukura planetare që ndriçohen nga rrezatimi i yjeve të tyre qendrorë të nxehtë, d.m.th. xhuxhëve të bardhë,” tha profesori i fizikës dhe Astronomi në Universitetin e Londrës dhe kreun e ekipit të astronomisë Michael Barlow.
Shiritat shumëngjyrëshe në mjegullnajë krijohen nga elementë kimikë që lëshojnë dritë në gjatësi vale të ndryshme.
Duke analizuar imazhet, astronomët shpresojnë të mësojnë më shumë rreth proceseve komplekse që krijojnë strukturat mjegullnajë dhe ciklet e jetës së yjeve dhe elementeve që ata hedhin në hapësirë.
Discussion about this post