Kalimi i Xavi Hernandez në krye të stolit të Barcelonës është duke dhënë efektet e para. Pas Espanyolit, Barça mundi të fitonte ndaj Villarreal me rezultatin 3-1.
Gerard Pique ka marrë drejtimin e Barçës pas largimit të Lionel Messit nga katalanasit dhe tashmë me drejtimin e Xavit, ai duket se ka marrë më shumë zemër.
Së fundmi ‘AS’ raporton se ka zbuluar porositë që Pique i ka dhënë lojtarëve të ekipit të tij në mënyrë që të marrin rezultate pozitive.
“Tani djema, le të luajmë me kokë, të bëjmë gjithçka mirë. Të luajmë pa nxitim dhe të fitojmë kohë. Të marrim faulla, të qëndrojmë shtrirë dhe të fitojmë kohë. Ju lutem, lehtë, këto tre pikë thjesht nuk mund t’i humbasim.”-mësohet t’i ketë thënë Pique skuadrës ‘Blaugrana’. Pra një këshillë jo e mirë apo e ‘fair-play’ kjo nga ana e tij.
Megjithatë në fund Barça mundi të fitonte me shifrat 3-1, me të tretin të shënuar nga Coutinho, gjë që e gëzoi shumë Xavin./K.T/Gijotina.com
Discussion about this post