Deputeti demokrat Saimir Korreshi tha se në Partinë Demokratike janë 3 rryma: e para që është me zotin Berisha, e dyta që mbështet zotin Basha dhe rryma e tretë që kërkon hapjen e një gare reale, ku të zgjidhet një kryetar i ri i PD-së, por që të bëjë bashkë të gjitha rrymat.
Korreshi tha se nga mbështetës të Lulzim Basha u linçuan ata deputetë që deri dje shiheshin si heronj pasi nuk u vunë në rrjeshtin e zotit Berisha.
“Në 29 korrik nuk pati zgjedhje, por votime”, tha Korreshi.
Sipas tij, PD duhej të ishte sot në rrugë, në protesta, por ne duhet të ndërtojmë një parti që të jetë alternativë, që ta bësojnë njerëzit.
“Kjo qeveri do të kishte rënë nëse do të kishim një opozitë të bashkuar”, tha Korreshi. Sipas tij, Berisha dhe Basha nuk mund të kandidojnë për kreun e PD-së, pasi ata janë përgjegjës për këtë situatë që po kalon kjo parti.
Discussion about this post