Merkato e FC Barcelona nuk ndalet, me klubin që është duke përgatitur një ofertë për të sjellë në klub, mesfushorin portugez të Manchester City, Bernardo Carvalho Silva, kjo është ajo që raportohet nga gazeta spanjolle “Sport”.
Klubi “blaugrana” do të shpenzojë të ardhurat nga Frank Kessie dhe Ousmane Dembele, si dhe shitjen e një pjese të të drejtave të Barca Studios.
Kampionët e Spanjës po planifikojnë t’i ofrojnë City-t rreth 65 milionë euro, plus 10 milionë euro të tjera bonuse.
Barça shpreson se një ofertë e tillë do të ndihmojë të bindë klubin anglez për të shitur mesfushorin, edhe pse City thuhet se e vlerëson Bernardon plot 80 milionë euro.
Xavi është jashtëzakonisht i interesuar për nënshkrimin e lojtarit, duke e konsideruar ndër të tjera si zëvendësues të mundshëm të francezit Dembele, i transferuar te PSG.
Discussion about this post