Del fotoja e Leonard Nikollit, pronarit të autobusit të firmës Gremel, ku u sekuestruan ditën e sotme 121 mijë euro të padeklaruara që ishin fshehur në tavanin e autobusit të Linjës Bari Durrës.
Në pranga kanë rënë Leonard Nikolli, pronari i firmës dhe në hetim është vënë shoferi i autobusit, Ergys Sadikaj.
Kujtojmë se, mëngjesin e sotëm janë sekuestruar 121 680 euro të padeklaruara në Portin e Durrësit.
Paratë u gjetën të fshehura në tavanin e autobusit të linjës “Durrës-Bari-Durrës”, ku është bërë arrestimi në flagrancë i pronarit të autobusit, ndërsa u procedua shoferi.
Në drejtimin e Prokurorisë, vijojnë hetimet për dokumentimin e plotë ligjor të këtij rasti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme lidhur me ngjarjen.
Discussion about this post