Manchester City dhe Arsenali u takuan në ndeshjen e parë zyrtare të sezonit në Angli, ku skuadra e Guardiolës kërkonte të mbante gjallë ëndrrën e ‘triumfit të gjashtëfishtë’. Por, City doli i mposhtur me penallti në finalen e Community Shield. Raportohet se Erling Braut Haaland, sulmuesi kryesor i “Sky Blues” e mbylli ndeshjen shumë i zemëruar.
Manchester City, pasi pati një sezon të mrekullueshëm vitin e kaluar, e nisi këtë sezon të ri me idenë për të ngritur një tjetër titull, por djemtë e Pep Guardiolës dështuan në këtë përpjekje. Arsenali qëndroi i gjallë në lojë dhe arriti të barazojë në momentet e fundit të saj për ta çuar ndeshjen në penallti, ku ‘qytetarët’ dështuan dhe lejuan ‘topçinjtë’ që t’ju marrin titullin e parë të sezonit.
Prandaj, Haaland ishte një nga humbësit më të mëdhenj të pasdites. Sulmuesi norvegjez u zëvendësua nga Guardiola në minutën e 64-të, kur takimi ishte ende i hapur. Ky vendim i teknikut nuk u prit shumë mirë nga Haaland, pasi nuk është hera e parë që ndodh. Kujtojmë se gjatë sezonit të kaluar, norvegjezi përfundoi duke e parë ndeshjen nga pankina në më shumë se një rast.
Marrëdhënia mes Guardiolës dhe Haaland-it nuk ka qenë kurrë më e mira dhe është bërë sërish e dukshme në ndeshjen e parë të sezonit të ri. Në fakt, burime pranë tij thonë se ai ka përmendur edhe një herë “Real Madridin” si një zgjidhje të mundshme të problemit. Sulmuesi norvegjez e ka nisur sezonin shumë i zhgënjyer.
Haaland e mban gjallë idenë e tij për të nënshkruar me Real Madridin, ai e di se hapi tjetër që duhet të bëjë në karrierën e tij është të luajë në Bernabeu. Marrëdhënia e tij me Guardiolën mund të përshpejtojë gjithçka.
Sulmuesi norvegjez nuk ndihet plotësisht i mbështetur nga trajneri i tij, mendon se meriton më shumë respekt. Në një finale për një titull, Guardiola preferoi të largonte yllin e tij më të madh nga fusha. Haaland mendon se në Madrid nuk do të ndodhte, kjo gjë.
Discussion about this post