Ironia e gazetarit: Sigurimi i detyruar për tërmete, ide gjeniale

Gazetari Lutfi Dervishi ka bërë ironi me projekt ligjin e qeverisë shqiptare për detyrimin për të siguruar banesat nga tërmetet.

Dervishi shprehet se ideja e qeverisë për të siguruar banesat nga tërmetet është gjeniale.

Ai shprehet se as Japonia, që është vend që preket së tepërmi nga tërmete, nuk e ka sigurimin e detyruar për banesat që mund të preken nga lëkundjet e tokës.

Postimi i Lutfi Dervishit:

Sigurimi me detyrim për termetet?

Nga cili vend e kanë marr këtë ide gjeniale?

Dhe meqë jemi këtu a kanë bërë ndonjë analizë si po zbatohet ligji për sigurimin e detyrueshëm 10 vjeçar të banesave të reja? Sepse ligjit thotë që sigurimin e paguan ndertuesi, por këta të fundit në bashkepunim me notere bandite dhe bekimin e syleshëve të ministrise se Drejtësisë, detyron blerësit ta paguajne. Një akt kriminal i pandëshkuar.

Jam shumë kurioz kush e ka hedhur idenë e Sigurimit të detyrueshëm dhe cilin vend marrin për shembull. Se për shembull Japonia “Nena e termeteve” nuk detyron banorët të sigurohen…