Një ngjarje e rëndë ka ndodhur rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri ish-kryetar i Komunës së Velipojës, Pashko Ujka, 64 vjeç, i cili ndodhet në spital nën kujdesin e mjekëve.
Ngjarja ka ndodhur pranë universitetit të Shkodrës, ku Ujka ka marrë plagë në shtyllën kurrizore. Ende nuk dihet për shkaqet e kësaj ngjarje ndërkohe qe policia dyshon se kjo ngjarje mund te jete e lidhur me periudhën qe ai ka shërbyer si kryetar komune.
Policia ndodhet në vendin e ngjarjes për të hetuar shkaqet e të shtënave me armë dhe për të punuar për kapjen e autoreve të ngjarjes.
Kujtojmë që Pashko Ujka ka qenë kryetar komune në vitet 2011-2015, dhe nga dyshimet e para plagosja mund të lidhet me kohën kur ka ushtruar detyrën si kryetar komune.
Discussion about this post