Chelsea ka publikuar këtë të martë numrat që do të mbajnë futbollistët në fanellat përkatëse në sezonin e ri, teksa bie në sy fakti që sulmuesi kuqezi Armando Broja do të mbajë numrin 19 mbi shpinë.
Broja ka pasur fanellën me numrin 18, që në sezonin e ri do të mbahet nga blerja e re Nkunku, me këtë të fundit që është dëmtuar dhe nuk do të mund të luajë asnjë ndeshje zyrtare deri në fund të vitit 2023.
Ndërkohë mbetet i lirë ende numri 9, që me shumë gjasë do të kalojë mbi shpinën e serbit Dusan Vlahovic, për të cilin Chelsea po negocion që ta marrë nga Juventusi, në operacionin e shkëmbimit me Lukakun.
Ky i fundit nuk figuron fare në listën e klubit londinez, pasi largimi i tij tashmë është fakt i kryer.
Discussion about this post