Ish-kryeministri, Sali Berisha gjatë konferencës së përjavshme me gazetarët u shpreh se përgjegjësi kryesor për aferën e inceneratorëve është Edi Rama.
“Jam sot këtu para jush për të informuar shqiptarët se përpjekja për të mbyllur hetimet për vjedhjen e shekullit me 3 persona në arrati, Arben Ahmetaj, Mirel Mërtirin dhe Klodian Zoton, është një përpjekjet më antiligjore, më qesharake dhe më të rrezikshme.
Dhe kjo në fakt siç e shikoni, propaganda, por jo vetëm ajo, këtu e ka qëllimin madhor. Përveç këtyre ishte edhe asambleja anti-Damian, edhe ajo është pjesë e hetimit strikt partiak se u bë me dyer të mbyllura, u mblodh një asamble për ti thënë popullit se unë e shkarkova Damian Gjiknurin.
E vërteta është se njëherë dhe 100 herë, po ta analizosh dhe studiosh këtë rast, në këtë aspekt kam një privilegj të veçantë se jam ish-kryeministër dhe duke qenë se afera e djegësve buron e tëra nga Këshilli i Ministrave, dua të shprehem këtu se Edi Rama është ligjërisht dhe penalisht, përgjegjësi më kryesor i kësaj afere.
Afera e Porto Romanos, e cila është brenda aferës së madhe të shekulli, mbi të cilën nxin firma e Edi Ramës.
Në verën e vitit 2019, Rama deklaroi publikisht projektin e tij për të kthyer në park të gjelbër zonën e Porto Romanos, të cilën tha se do ta bënte me ndihmën e privatit.
Më 16 tetor 2019, u shpall tenderi dhe procedura anulohet në mënyrë të paprecedentë, vetëm 3 ditë para se të hapej tenderi.” u shpreh Berisha.
Discussion about this post