Katër ditë pas rastit tragjik në Gllogjan të Komunës së Deçanit ku dikush qëlloi drejt një autobusi me nxënës duke i marrë jetën dy prej tyre dhe shoferit, ende nuk është arrestuar asnjë i dyshuar.
Sipas deklarimeve të organit të rendit, deri më tani dyshimet janë se vrasja është kryer nga një person i vetëm. Nga Prokuroria Themelore e Pejës kanë deklaruar se po kryhen hetime intensive për të zbardhur ngjarjen e rëndë.
“Lidhur me këtë çështje penale, me seriozitetin më të lartë me ekipin e Prokurorëve, të udhëhequr nga kryeprokurori i Pejës janë duke punuar në mënyrë intensive së bashku me Policinë e Kosovës që të zbulohen të gjitha rrethanat dhe njëkohësisht personi apo personat e mundshëm të kryerjes të kësaj vepre”, ka deklaruar zëdhënësi i Prokurorisë, Shkodran Nikçi.
Ai ka deklaruar se edhe bashkëpunimi i qytetarëve me organet e rendit, do të ishte një ndihmesë e madhe për zbardhjen e krimit.
Discussion about this post