Arsenal nuk zhgënjen në startin zyrtar të sezonit të Premier League, teksa në “Emirates Stadium” ka mundur skuadrën e Nottingham Forest, me rezultatin 2 me 1.
Sipari i golave u çel në pjesën e parë, ku fillimisht protagonist u bë “bomberi”, Eddie Nketiah, i cili pasi merr një asist të mrekullueshëm nga Gabriel Martinelli, dërgon topin në rrjetën e portierit Turner, duke e çuar rezultatin në 1 me 0, në minutën e 26’-të të lojës.
Vetëm 6 minuta më vonë do të vinte dhe goli i dytë, teksa kësaj here protagonist ishte anësori, Bukayo Saka, i cili me gjuajtje fantastike shënon ndoshta një nga golat më të bukur të javës, duke e mbyllur pjesën e parë me epërsinë e 2 golave.
Me fillimin e pjesës së dytë, skuadra e Nottingham filloi të sulmonte portën kundërshtare dhe vetëm në minutën e 82’-të të lojës do të gjente golin e “nderit”, pas një kombinimi fantastik mes Anthony Elanga e Taiuo Auoniyi, duke “vulosur” kështu rezultatin 2 me 1.
Discussion about this post