Një person është arrestuar ndërsa një tjetër është shpallur në kërkim pasi kërcënuan një 34 vjeçar në Elbasan për një shumë të konsiderueshme parash. Në pranga ka rënë 35-vjeçari Altin Dervishi, i cili së bashku me vëllain e tij Ervis Dervishi e shpallur në kërkim, kanosën të riun për t’ju dhënë shumën prej 200 000 eurosh.
Sipas policisë, bëhet me dije se paratë dyshohet se rrjedhin nga veprimtari të përbashkëta kriminale në fushën e narkotikëve, të kryera jashtë vendit. Në cilësinë e provës materiale u sekuestruan një automjet, një motomjet si edhe dhe dy celularë në pronësi të dy vëllezërve.
Nga ana tjetër, policia po punon për kapjen e 31-vjeçarit.
“Si rezultat i reagimit menjëherë pas marrjes së denoncimit se një 34-vjeçar shtrëngohej nëpërmjet kanosjes, për të dhënë një shumë të konsiderueshme parash, specialistët për Hetimin e Krimeve kundër Pasurisë të DVP Elbasan, në bashkëpunim me shërbimet e Komisariatit të Policisë Cërrik, kanë finalizuar operacionin policor të koduar “Pressure”, në kuadër të të cilit u arrestua në flagrancë shtetasi A. D., 35 vjeç, dhe u shpall në kërkim vëllai i tij, shtetasi E. D., 31 vjeç, të dy banues në Belsh. Nga veprimet hetimore rezultoi se këta 2 shtetas kanë kanosur një shtetas 34 vjeç, që ai t’iu jepte shumën 200 000 euro, e cila dyshohet se rrjedh nga veprimtari të përbashkëta kriminale, në fushën e narkotikëve, të kryera jashtë vendit.”
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Discussion about this post