Makina përplaset më barrierën, 1 viktimë dhe tre të plagosur

Një aksident me pasojë vdekjen e një 70-vjeçari dhe lëndimin e tre të tjerëve, mes të cilëve dy të mitur, ka ndodhur në Elbasan.

Policia ka proceduar në gjendje të lirë një 39-vjeçar, i cili duke drejtuar automjetin, ka humbur kontrollin dhe për pasojë automjeti është përplasur me barrierën anësore të rrugës.

70-vjeçari, u dërgua drejt spitalit por nuk mundi t’i mbijetojë dot plagëve të marra. Mes tre të plagosurve ishin edhe dy të mitur 10 dhe 15 vjeç dhe 25-vjeçari K. Sh.

Sipas policisë, u referuan materialet në Prokurori ku nisi procedimi në gjendje të lirë për shtetasin shoferin  A. Sh., 39 vjeç, banues në Tiranë.

Autoritetet kanë nisur hetimet për zbardhjen e kësaj ngjarjeje.