Bashkia Lezhë ka publikuar fituesin e një tenderi me një shumë marramendëse për pastrimin e ambienteve të godinave. Objekti i tenderit që do iu kushtojë taksapaguesve të kësaj bashkie mbi 33 milionë lekë ,është blerja e materialeve të pastrimit dhe detergjentëvë për nevojat e Bashkisë Lezhë dhe institucioneve në varësinë e saj. Institucionet në varësi të Pjerin Ndreut, për vetëm 12 muaj ka akorduar një fond që kalon nevojat e këtij pushteti vendor, duke shpërdoruar saktësisht 3 328 240,00 për të pastruar zyrat e pushtetarëve të Bashkisë Lezhë.
Kompania fituese mes 6 garuesve për këtë tender është Sinani Trading (Ish M. B. KURTI), ndërkohë që në garë ishin dhe kompanitë ALBANIA DISTRIBUTION CHEMICALS” SH.P.K, “ANBIM” SH.P.K, “ATLANTIK 3” SH.P.K, “EUROMEGA” SH.P.K dhe “CAPITAL GROUP” SH.P.K.
Në korrik të këtij viti kryeministri Edi Rama mblodhi krerët e pushtetit vendor të të gjithë Shqipërisë, ku iu kërkoi të ndalonin abuzimet me tendera apo ato që ai vet i cilësoi si ‘kostume të qepura me porosi”, pasi në të kundërt nuk do të kishte tolerime dhe të tilla shkelje do të konstatoheshin, duke vënë para përgjegjësisë abuzuesit. Disa muaj më pas këto deklarata të kryeministrit dukshëm janë harruar nga ai vet dhe patronazhistët e tij, të cilët nuk kanë survejuar asnjë rast të shpërdorimit të parave të taksapaguesve.
Discussion about this post