Plagoset minatori në Bulqizë, dërgohet urgjentisht në Tiranë

Një minator ka mbetur i plagosur në minierën e Bulqizës.  60-vjeçari Shyqyri Çela është aksidentuar në galeri teksa punonte.

Minatori është lënë në hyrje të spitalit në Dibër dhe më pas kur është konstatuar është nisur me urgjencë drejt Traumës.

Mësohet se një person e ka dërguar minatorin e plagosur tek dera e Spitalit të Dibrës.

Policia ka ndaluar personin që e ka transportuar për në spital në Dibër.

Efektivët nuk kanë bërë publike ende informacion për ngjarjen dhe nuk dihet në cilën galeri punonte 60-vjeçari.

“Rreth orës 19:30, të mbrëmjes së djeshme, është paraqitur për të marrë ndihmë mjekësore, në spitalin e Peshkopisë, shtetasi Sh. C., 60 vjeç, me profesion minator, i punësuar në një subjekt minerar, në Bulqizë. 60-vjeçari është transportuar për ndihmë më të specializuar, në Spitalin e Traumës, Tiranë.

Grupi hetimor, në drejtimin e Prokurorisë, po vijon hetimet e thelluara, për zbardhjen dhe dokumentimin e plotë të rrethanave të këtij rasti”, njofton policia.