Hajdutët vodhën fshatin, banorët e Synejit revoltohen me policinë

Banorët e fshatit Synej në Kavajës kanë dalë në protestë duke bllokuar rrugët.

Banorët, shumica prej të cilëve emigrantë, shprehen se gjatë periudhës që nuk kanë qenë në vendlindje por edhe tani që janë kthyer, po hasen masivisht me fenomenin e vjedhjes së banesave ku jetojnë.

Deri më tani në Synej janë vjedhur mbi 290 banesa.

Policia ndodhet në vendngjarje dhe po merret nga afër me normalizimin dhe zgjidhjen e situatës.

Shefi i komisariatit të Kavajës dhe disa banorë kanë biseduar për zgjidhjen e këtij problemi.