Spanjolli Fernando Alonso ka theksuar se Hamilton duhet të niset nga pozicioni i fundit në garën e radhës pasi ka përfituar nga ndryshimi i motorit dhe jo të penalizohet me thjesht pesë pozicione në start.
“Ata që ndryshojnë motorin më shumë se sa herë lejohet gjatë sezonit, duhet të nisen nga fundi”, theksoi Alonso. Rregullorja e Formula 1 nënvizon se gjatë një sezoni lejohet që motori të ndryshohet maksimumi tre herë, por Hamilton e ka bërë këtë pesë herë ndërsa ka marrë penalizime, por në fund ia ka dalë të shfrytëzojë në maksimum fuqinë e pjesëve të reja duke lënë pas Verstappen. Gara e ardhshme do të zhvillohet në Arabinë Saudite e cila mund të rezultojë vendimtare për fatet e këtij botërori.
Discussion about this post